Fiskur dagsins….

…er saltfiskur….

Ekki soðinn og stappaður með smjöri og kartöflum ( þó svo stundum sé það bara ágætisréttur )
heldur með tómatsósu…ekki úr flösku samt…

Ég byrja á kartöflunum…..

Kartöflur

2-3 bökunarkartöflur
ólívuolía og maldonsalt.

Sker kartöflurnar í þunnar sneiðar – velti uppúr ólíuolíunni og maldonsaltinu og set í ofnfast mót.
Sett í ofninn við 180 gráður og látnar eldast þangað til “næstum því tilbúnar”.

Þá geri ég sósuna….

“Tómatsósa”

3 msk ólívuolía
1 laukur-smátt skorinn
2 hvítlauksrif
1 dós tómatar (ég notaði lífræna kirsuberjatómata frá Biona-en það er smekksatriði )
3 msk tómatpúrra
1 tsk sæt paprika ( sonnetor )
1/2 tsk “hot” paprika ( sonnentor )
cayenne pipar…ca.1/4 tsk
dash af hvítvínsediki
2 msk smátt skorið ferskt rósmarín
1 tsk sykur ( rífur upp bragðið )

Laukurinn smátt skorinn og mallaður á pönnu í ólívuolíunni.
Hvítlaukurinn smátt skorinn og settur útí.
Næst hvítvínsedikið og tómatpúran útí.
Því næst tómatarnir og sykurinn.
Látið malla.

Þarf ekki salt í sósuna-nóg salt í saltfisknum:)

Þar næst er það saltfiskurinn….

Saltfiskur

Saltfisknum velt upp úr hveiti með smá hvítum pipar útí.

Steiktur úr ólívuolíu á pönnu-bara rétt að láta taka lit

Samsetning……

Þegar kartöflurnar eru “eldaðar”…orðnar næstum því mjúkar – tek ég þær út.
Saltfiskurinn fer þar ofaná og þvínæst set ég sósuna yfir.

Set þetta svo allt saman inn í ofn á 180-200 gráður í c.a.15-20 mínútur ( fer eftir þykkt stykkjanna ).