Gúllassúpan góða

Af einhverjum ástæðum hef ég verið dálítið oft með gúllassúpu í vetur.
Kannski er það kuldinn. Kannski af því mér finnst hún góð. Líklega bæði.

Það eru til margar uppskriftir að gúllassúpu þarna úti og núna bætist ein við.

Regla eitt-það verður að gefa súpunni góðan tíma!

Það þýðir ekkert að koma heim klukkan 5 og ætla að hafa gúllassúpu í kvöldmatinn.

Það verður að byrja að elda hana í hádeginu ef hún á að vera í kvöldmatinn og helst í hádeginu daginn áður.

Svo þarf að smakka og krydda til jafnt og þétt – allan tímann meðan hún er að malla.
Það má alveg gera eitthvað annað á meðan hún mallar – en það verður að kíkja í pottinn við og við:)

Ég vil hafa nóg af grænmeti í súpunni…gulrætur og kartöflur…lauk og sellerí.

Svo er gúllas líka gott…bara spurning um að hafa minna af vatni, sjóða kartöflurnar sér og gera kartöflumús…

Hér kemur uppskrift:

300 gr laukur – frekar smátt saxaður
300 gr gulrætur – skornar í bita
50 gr sellerí

1 kg gúllas

2-3 tsk tómatpúrra
1 flaska Passata/2 dósir tómatar
og svipað magn af vatni

1 teningur af nautakrafti

500 gr kartöflur

2-3 tsk maldonsalt
1-2 tsk hvítur pipar
1 msk sæt paprika
1 msk sterk paprika
1 msk malað kúmen
1/2 tsk cayennepipar
3 lárviðarlauf

Laukur, sellerí og gulrætur í pott með smá ólívuolíu og látið malla þar smá stund.
Passa að hræra á meðan svo það brenni ekki.

Kjötið þar næst útí – ásamt kryddunum. Látið brúnast og taka smá lit.
Þar næst tómatpúrran og tómatarnir ( hvort heldur er Passata tómatsósa eða tómatar í dós ).

Svo set ég kartöflurnar útí, teninginn…og leyfi þessu að malla eins lengi og hægt er.

Það má að sjálfsögðu nota meira…eða minna af grænmeti.

Aðalatriðin finnst mér vera:

– Að leyfa henni að malla…lengi…
– Að kaupa kjötið helst 2-3 dögum áður og leyfa því að meyrna aðeins.
– Að nota góð krydd

Verði ykkur að góðu!:)

Advertisements

2 Comments Add yours

  1. Spörri says:

    Í Tyrkneska Bazarnum í Síðumúla er hægt að fá tyrkneskt paprikumauk. Algjör nauðsynjavara, sérstaklega í gúllas.

    Like

    1. Sigurveig says:

      Tyrkneskur bazar í Síðumúla? Alveg farið framhjá mér… Skoða það!

      Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s