Það er auðveldlega hægt að eyða deginum í Golden Gate Park í San Francisco.
Japanski Tegarðurinn var sérstaklega skemmtilegur.
Hann var útbúinn fyrir sýningu árið 1894 og er fyrsti garður sinnar tegundar í Bandaríkjunum.
Maðurinn sem hannaði garðinn – Makoto Hagiwara – sá um hann til dauðadags árið 1925. Fjölskylda hans bjó svo áfram í garðinum, þar til hún var sett í fangabúðir árið 1942. Margar japanskar fjölskyldur voru fluttar í fangabúðir í Bandaríkjunum á þessum árum.
Talið er að spádómskökur hafi verið bornar fram í garðinum fyrst allra staða í Bandaríkjunum.
Þær eru ennþá bornar fram á veitingastað í garðinum. Þar er einnig hægt að fá sushi, te og mochi-kökur.
Sigurveig 