2-3 msk ólívuolía
2 laukar – smátt skornir
2 stilkar sellerí – smátt skorið
500 gr gulrætur – skornar í sneiðar ( ekkert of smátt )
1 rauð paprika – smátt skorin
1 kúrbítur – skorinn frekar smátt
1 box sveppir – skornir ekkert of smátt
1 kg tómatar – gróft skornir
2 teningar kjúklingakraftur – mæli með lífrænum
1 tsk cayenne pipar
2 tsk sæt paprika
2-3 msk þurrkað oregano
2-3 tsk maldonsalt
100-200 ml vatn
1 dós svartar baunir
1 dós pintobaunir
2 dósir kotasæla (2×500 gr)
1 poki rifinn ostur – var með gratínost
Lasagnablöð – venjuleg eða spelt
Allt grænmetið NEMA TÓMATARNIR sett í pott ásamt olíunni og smávegis af maldonsalti.
Tómötunum bætt útí þegar grænmetið er aðeins farið að glærast og búið að malla smá.
Vatni, krafti og kryddum bætt útí og leyft að malla þar til tómatarnir eru nokkurn veginn “horfnir” og orðnir að sósu. Smakkað til og bætt við meira salti eða kryddi ef þurfa þykir.
Slökkt undir og baununum bætt útí pottinn.
Svo er þessu raðað saman eins og hverju öðru lasagna – sósa, lasagnablöð, sósa – osfrv.
Kotasælan sett ofaná allt saman og þar ofaná fer rifni osturinn.
Sett í ofn við 180 – 190 gráður þar til osturinn er gullinn.
Þá er lasagnað tilbúið:)
Með betri “grænmetislasögnum” sem ég hef fengið.
Sigurveig 