2 kúrbítar
1 msk sjávarsalt
1 laukur
2-3 hvítlauksrif
2 egg
6 – 8 msk fínt spelt
2 msk hveitikím
1 tsk vínsteinslyftiduft
2 – 3 msk mjólk
ferskur kóríander – handfylli
fersk steinselja – handfylli
1/2 tsk hvítur pipar eða eftir smekk
Ólívuolía
Kúrbíturinn rifinn á mandolíni eða grófu rifjárni og látinn liggja í skál með sjávarsalti í amk 30 mín.
Saltið dregur töluvert af vökvanum úr kúrbítnum.
Því næst er þessu hellt í gegnum sigti og reynt að kreista eins
mikið af vökvanum úr og hægt er og vökvanum svo hellt.
Laukurinn og hvítlaukurinn rifinn á rifjárni og bætt útí kúrbítinn.
Steinselja og kóríander söxuð smátt og bætt þar saman við.
Síðan er speltinu, vínsteinslyftiduftinu, hveitikíminu og eggjunum bætt saman við ásamt mjólkinni.
Það er misjafnt hvað þarf mikið af spelti – fer dálítið eftir því hversu mikill vökvi fór af kúrbítnum og eins eftir hvaða gerð af spelti er verið að nota eins og hversu fínt það er.
Það má alveg nota gróft spelt, en þá þarf líklega aðeins meira af því.
Piprað örlítið.
Það þarf ekkert að salta þetta meira – töluvert af saltinu er ennþá á kúrbítnum.
Þetta verður ekkert ólíkt frekar þykkum graut þegar þetta er allt komið saman í skál:)
Steikt á pönnu úr smávegis af ólívuolíu.
Epla – jógúrtsósa:
Sósuna gerði ég einfaldlega úr grískri jógúrt og ósætu eplamauki.
Blandaði því saman í svipuðum hlutföllum – 1 msk jógúrt á móti 1 msk af eplamauki.
Sigurveig 