Því miður fáið þið ekki uppskriftina að þessum.
Allavega ekki í dag. Kannski verð ég í góðu skapi seinna og set hana inn – sjáum til:)
Ég er svo sem alveg í góðu skapi! Bara tími ekki að láta hana frá mér alveg strax.
Sumar uppskriftir eru einhvern veginn þannig:)
En eitt get ég sagt ykkur – þær eru ótrúlega góðar.
Hérna er hins vegar gott ráð sem getur sparað ykkur hellings tíma.
Ég kæli deigið alltaf vel áður en ég móta það – nokkra klukkutíma í ísskápnum.
Síðan er dreginn fram ískúlarinn og kúlað og kúlað og kúlað.
Það þarf svo ekkert að baka þetta allt í einu – það er tilvalið að gera helmingi meira en þið ætlið að baka, “kúla í kökur” og skella því svo í frystinn.
Svo tekur maður bara út nokkrar í einu, skellir á plötu og inn í ofn.
Það er best að setja þær fyrst á disk eða bakka og frysta þær þannig, taka þær svo úr frystinum og setja í poka. Þannig klístrast þær ekki saman.
Þessar eru bara að kólna rólega í gluggakistunni núna – meðan næsti skammtur er í ofninum:)
Mjólkin á leiðinni í glasið….helli helli helli….já. Ég held að ég verði bara að fá mér eina og gá hvort þær séu nógu góðar fyrir afmælið á morgun.
Sigurveig 