Þar sem það var til hellingur af BBQ sósu hérna síðan ég gerði BBQ leggina….og ég vildi engan veginn henda henni… Hefði eflaust getað fryst hana, en ákvað að gera það ekki….Urðu til hérna BBQ rækjur.

Var með hráar risarækjur sem ég skelfletti og leyfði svo að liggja í sósunni í sirka hálftíma, áður en ég tók mest af sósunni frá og steikti rækjurnar á vel heitri pönnu.

Sósuna þykkti ég svo enn meira, með því að leyfa henni að malla í smá stund á meðan ég steikti rækjurnar.

Þetta kom ótrúlega vel út. Væri eflaust gott að grilla þær svo á teini – en það verður að bíða betri tíma.