Haframjólk með kanil

This slideshow requires JavaScript.

Ákvað að prófa að gera smá haframjólk hér áðan.
(Fann reyndar ekki spenana á höfrunum frekar en á möndlunum þegar ég gerði möndlumjólkina, þannig að ég lagði hafrana bara í bleyti…:)

Bjóst ekki við að hún yrði eins og góð og raun bar vitni.
Finnst hafrar reyndar mjög góðir og hafragrautur bara í góðu lagi, en einhverra hluta vegna langar mig ekkert í hann á morgnana.

Kannski ágætis lausn fyrir þau okkar sem gleyma stundum að borða morgunmat;)
Auðvitað hægt að gera alls kyns góða sjeika, en stundum langar manni meira að segja ekki í þá.

Allavega! Þetta verður prófað hér í fyrramálið.
Finnst þetta allavega gott núna – hvað sem þá verður…

1 líter vatn
250 gr haframjöl
1 kanilstöng

2 – 3 msk hunang

Látið hafrana liggja í vatninu ásamt kanilstönginni í allavega 2 – 3 tíma. Helst lengur.
Sett í blandara ( ágætt að brjóta kanilstöngina aðeins áður en þetta fer í blenderinn….) og síðan sigtað, sætt með hunanginu og síðan sett í flösku.

Kælt og drukkið!! Já…og skál!

Verði ykkur að góðu:)!!