Mig langaði í eitthvað “crunchy”.
Pínu sterkt, pínu salt….ekki of sterkt og ekki of salt – en alls ekki sætt.
Og þetta varð niðurstaðan.
Ég var með um 150 grömm af möndlum.
Setti þær á pönnu ásamt 1 – 2 msk af chillolíu.
Kryddunum blandaði ég saman í skál:
1 tsk af kanil
1/2 tsk af sterkri papriku
1 tsk af reyktu sjávarsalti
Síðan passaði ég bara vel uppá möndlurnar.
Leyfði þeim að taka lit, en hrærði í þannig að þær brynnu ekki.
Einhverjar reyndu að flýja af pönnunni undan hitanum – stukku upp í loft og poppuðust.
Ég náði þeim strax og lét þær vita hver það væri sem réði þessari aðgerð.
Þær hlýddu og ristuðust með hinum.
Tók þær af þegar ég var orðin nokkuð sátt og setti þær á smjörpappír.
Hellti kryddunum yfir og blandaði saman við möndlurnar.
Það versta er, að nú eru þær búnar.
Á reyndar ennþá til möndlur, en það er spurning hvort ég geymi þær ekki aðeins.
Eða…..???
Verði ykkur að góðu!
Sigurveig 
One Comment Add yours