Ég er frekar hrifin af kalkún og hann á það til að taka á sig ýmsar myndir hér á heimilinu.

Oft lendir hann í ofni, stundum er hann soðinn hægt og rólega en í kvöld lenti hann í karríkássu. 

Hér koma hlutföllin nokkurn veginn-algjör óþarfi að taka þau samt of hátíðlega!

1 stór laukur smátt skorinn

5-6 gulrætur

Kalkúnabringa (þessi var dálítið stór…1,3 kg)

2 stórar krukkur satay sósa

(krukka af crunchy  hnetusmjöri og sletta af sojasósu myndi virka vel líka í staðinn)

1 dós kókosmjólk

Slatti af karríblöndu – þá sem hendi er næst (2-3 msk sirka í þessu tilfelli)

Kartöflurnar sem urðu afgangs í gær (8-10 stk)

Og hrísgrjón. Soðin. Að sjálfsögðu…

Smá ólífuolía og sjávarsalt.

Laukur, gulrætur, olía og sjávarsalt á pönnuna.

Því næst er kalkúnabringan skorin í bita, 2 krukkur af sataysósu opnaðar og 1 dós af kókosmjólk.  Allt lendir þetta saman á pönnunni. Splash!

Og sletta af karrí. Kartöflurnar skrældar og skornar gróflega og útí…og látið malla á frekar lágum hita á pönnu með loki í alveg…15-20 mínútur? Svona sirka það.

Borið fram með hrísgrjónum!

Verði ykkur að góðu!:)