2 stór eggaldin

1 stór kúrbítur

1 rauð paprika

1 gul paprika

1 appelsínugul paprika

 2 stórir rauðlaukar 

3-400 gr litlir tómatar – gulir og rauðir í þetta sinn

1 heill hvítlaukur 

ólífuolía – væn sletta…5-6 msk eða svo

sjávarsalt – 1 tsk sirka…

handfylli af basil og handfylli af steinselju

parmesan yfir allt ef vill

Og penne…

Grænmetið skorið í passlega bita (nema tómatarnir – best að hafa þá bara heila) og sett í eldfast mót ásamt hvítlauknum (best að hafa rifin bara heil), ólífuoliu og sjávarsalti. Látið dóla sér á fremur háum hita – 220-250 gráðum – og hrært við og við þannig að allt eldist jafnt.

Fer vissulega eftir því hversu stórir bitarnir eru, en gerið ráð fyrir sirka klukkutíma.

Vel hægt að ná einum þætti úr uppáhalds seríunni ykkur, setja í þvottavél og alls konar….bara muna að hræra við og við. Og sjóða pastað.

Steinselju og basil bætt saman við grænmetið þegar það kemur úr ofninum.

Pastanu fleygt í fatið, hrært í öllu saman og kallað “matur”.

Verði ykkur að góðu!:)