Þetta varð til hérna í kvöld – fátt til í ísskápnum, fjölskyldan að koma heim úr stuttri sumarbústaðarferð og enginn nennti í búðina…enda algjör óþarfi því þannig verða einföldustu réttir oft til.

Þegar “ekkert er til”, er oft eitt og annað til – nokkrir tómatar, eitt lítið eggaldin, einn hvítlaukur, tvær paprikur….ólífuolía og vænn slatti af balsamediki, ögn af sjávarsalti….

Einhverjum klukktíma síðar eða svo – á háum hita (220-250 gráður) – hrært aðeins þegar maður man – ef maður man….

Á svipuðum tíma er pasta jafnvel tilbúið…

Lítið til af parmesan, enginn rjómi – en grísk jógúrt…hmm….

3 vænar matskeiðar eða svo??

Jafnvel 3 í viðbót? Því ekki!

Öllu hrært saman – ögn af parmesan yfir allt og ef það eru til 2-3 sneiðar af hráskinku….

Verði ykkur að góðu!