Þessar tvær ófrýnilegu bökunarkartöflur sem urðu afgangs eftir kvöldverð gærdagsins voru uppistaðan í meðlæti kvöldsins. Einföldu og góðu gnocchi sem fylgir hér á eftir…. Þetta er sem sé upphafið…

Og þetta niðurstaðan.Svo koma alls kyns millistig í ítarlegu máli…

Skafið innan úr kartöflunum og reynið að hafa ekki of mikið af hýðinu með. Smá er í lagi. Gefur bragð. Margar leiðir að gnocchi og margar aðferðir – þetta er ein þeirra. Með þeim einfaldari og gjörsamlega tilvalin þegar afgangskartöflur eru til.

Stappi stappi stapp…og svo tvær matskeiðar af hveiti. Reynið að nota eins lítið hveiti og þið komist upp með. 2 matskeiðar og ekki einu sinni kúfaðar voru passlegar hér. Við erum að gera gnocchi – ekki byssukúlur.

Af því maður á sjaldan hálft egg, þá er eina leiðin að nota helminginn bara…

Ég hef allavega ekki séð hálf egg úti í búð – en að sjálfsögðu útiloka ég ekki að þau séu til….

Eitt egg og þeyta það ljúflega…við erum samt bara að fara að nota helminginn í þetta sinn. Nema þið séuð með 4 stórar kartöflur?

Deigið sett á hveitistráð borð…

Deiginu skipt í fernt og fjórar lengjur mótaðar….

Frekar beittur hnífur valinn – helst sá skarpasti í skúffunni…

Og skorið…hverjum bita velt aðeins meira úr hveitinu. Mjúklega þó og varlega og bara rétt aðeins….

Þá er bara að bíða þess að vatnið í pottinum fari að bullsjóða. Slettu af salti skvett í vatnið þegar suðan kemur upp og öllum litlu gnocchiunum skellt í pottinn. Varlega. Bara svo þið brennið ykkur ekki.

Fyrst virðist þetta glatað – allt sekkur til botns og fyrsta hugsun er sú að byrja að hræra í pottinum, en það skuluð þið ekki gera. Eftir augnablik gerist þetta….

Blúbbs…fyrst einn svo annar…og svo eru þeir þrír….fljótandi um þarna…og áður en þið vitið eru þeir allir mættir…Þá er gnocchiið tilbúið;)

Þá er þeim lyft varlega úr pottinum – nokkrum í einu – sett á disk – sem minnst af vatni látið fylgja með….en þó er best að þetta gerist allt frekar hratt og örugglega.

Á pönnu með nóg af smjöri og enn og aftur – ekki fara að hræra í óþolinmæðiskasti.

Ekki strax allavega. Allt í allt tekur þetta 1-2 mínútur á sjóðheitri pönnu með vænum slatta smjöri og ögn af sjávarsalti.

Og þetta er útkoman. Lauflétt gnocchi sem rétt lafir saman en heldur þó.

Ég hef stundum gert gnocchi og þá jafnvel notað salvíu…en ekki hvað!

Hér er til dæmis ein góð… Rófugnocchi með salvíu….

Eins og sjá má, er engin ein rétt leið að gnocchi þó svo undirstöðuatriðin séu svipuð.

Og það var aðalréttur – vissulega.

Frekar mikið góð svínarif sem fá að bíða betri tíma.

 

Fyrir……

Eftir….marga marga klukkutíma….

Hér reyndar ansi góð uppskrift af svínarifjum – massa klístruð eins og rif eiga að vera. “Klístrað og gott…..”

 

Verði ykkur að góðu!:)