Laxa-carpaccio undir grískum áhrifum

Ég sá mest eftir að hafa sett restina af laxinum í ofninn…en…á morgun geri ég meira.

Og vonandi kominn meiri villtur lax í búðina. Ég á veiðistöng, en ég hef aldrei notað hana…úbbs…kannski kominn tími á það bara? Hef veitt og tókst vel og fannst það gaman. Þess vegna fékk ég veiðistöng í jólagjöf eitt árið og já…hún er hér inni í þvottahúsi. Veiðist víst ekki mikið á hana þar…

Ég er annars nýkomin heim úr árlegri Grikklandsdvöl þar sem nokkur fiskcarpaccio voru snædd. Túnfisk, mahi mahi, sverðfisk…

Fiskur á Grikklandi er matreiddur töluvert öðruvísi en við vorum að alast upp (eða ég allavega..) og það er mikil veisla þegar hann er borinn á borð, enda ekki sá lúxus fyrir hendi að labba út í næstu fiskbúð. Ég hef áður skrifað aðeins um þetta og það má finna hér.

Meðal annars smá um fiskhappdættið sem þar er stundum.

En að uppskriftinni!

laxacarpaccio

Aðalmálið er auðvitað að fiskurinn sé ferskur og góður. Sem er yfirleitt ekki mikið mál hér á landi.

Það er best að flaka hann og vefja í plast, skella í frysti í 90 mín eða svo, þannig að auðveldara sé að skera hann. Skera hann í þunnar sneiðar og hafa “sósuna” tilbúna til að hella yfir þegar hann hefur verið skorinn og færður á disk.

Í þetta sinn fór í réttinn:

c.a.300 gr ferskur villtur lax

3 vænir vorlaukar – hvíti hlutinn

Smá salat til skrauts

Sósa/marinering:

1 lime – safi

1 rauður chilli – lítill

1 lítill biti engifer

1 hvítlauksrif

1-2 msk góð ólífuolía

Sjávarsalt og nýmalaður pipar – bæði hvítur og svartur

Chillipipar yfir allt

Sem sé – chili, hvítlaukur og engifer maukuðust hér í græjunni sem fylgdi töfrasprotanum. Má nota mortél líka eða saxa allt smátt. Limesafi og ólífuolía útí, smá sjáavaralt og pipar…síðan leyfði ég þessu að hanga á borðinu meðan fiskurinn fraus.

Þá hellti ég þessi í gegnum lítið sigti og því næst yfir þunnt (mjög mjög mjög þunnt) skorinn laxinn og inn í ísskáp með allt saman í 10-15 mínútur.

Vorlaukur yfir og salat og það má fara að kalla fólk að borðinu.

Tilvalinn forréttur eða léttur kvöldverður á sólríku sumarkvöldi. En eins og ég segi – gerið meira magn….ég veit að ég ætla að gera meira á morgun og kannski nota lúðu og kannski bæði lúðu og lax? En hey…það er á morgun. Nú er ég rétt búin að ná að henda inn þessari uppskrift og ég sé að það hefur einhver vaskað upp, þannig að tími á kvöldgöngu held ég bara. Ómögulegt að hanga inni á fallegu sumarkvöldi!

Verði ykkur að góðu!:)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s