Ég er búin að vera í dálitlu bökustuði uppá síðkastið. Eiginlega bara leti sjáiði…
Þar sem ég baka og elda alla daga bæði í vinnunni og heima….og þarf að fara að versla næstum daglega inn líka, þá koma dagar-sérstaklega um helgar-þar sem ég bara…nenni því ekki…en langar í eitthvað.
Þá eru bökur oft málið. Deigið er einfalt.
250 gr hveiti
125 gr smjör
Ögn af salti
u.þ.b 50 ml ískalt vatn (stundum minna, stundum meira-fer eftir hversu þurrt hveitið er).
Hér í þessum LINK er uppskriftin, en ég skal játa að yfirleitt nenni ég ekki að skíta út matvinnsluvél og geri þetta bara í höndunum. Né heldur nenni ég að blindbaka-passa bara að allt sé vel kalt þegar það fer í ofninn og krossa fingur. Virkar alltaf;)
Ég finn ekki stóra formið í færslunni í linknum, en er með minni-sem er bara fínt. Þá er einfalt að gera margar tegundir úr einu deigi. Það dugar í alveg…þrjú 9 tommu form eða svo. Allavega!
Hér er ein blaðlauks (svona sirka) – fyllingin það er:
1 blaðlaukur-hvíti hlutinn
Væn matskeið smjör
Smá salt
Skorinn smátt, allt á pönnu á lágum hita og….malla…
Fylla bökuskelina með blaðlauknum þegar hún kemur úr ofninum og bæta eggja/rjóma/ostablöndu útá.
Hvaða ost? Það sem er til. Í þessu tilfelli var það Red Leicester ostur og parmesan. Cheddar er líka fínn eða bara rifinn ostur einhvers konar.
Sirka 3 egg, 100 ml rjómi, smá hvítlauksduft, smá paprikuduft, smá salt, smá pipar, slatti af osti og enn meira yfir. Smá oregano yfir.
Og aftur inn í ofn!
Best að hafa á háum hita og stutt – þegar allt er orðið passlega stíft en ekki of – er bakan tilbúin.
Og svo er það banana-pekan-bakan…hún kemur síðar.
Sigurveig 