Svo við höldum nú aðeins áfram í túrmerik þemanu….

Á pönnuna fór:

1 laukur

1 lítill blaðlaukur

1 rauð paprika

3 meðalstórar gulrætur

….ögn af ólífuolíu og ögn af sjávarsalti…

Fljótlega duttu tvær smátt skornar kjúklingabringur útí.

Það voru 4 bringur í pakkanum sem mér fannst of mikið þannig að tvær duttu á pönnuna og tvær stungu af í frystinn;)

Á þessum punkti bættust við:

3 kúfaðar teskeiðar af turmerik

1 kúfuð teskeið af garam masala

Nýmalaður pipar – svartur og hvítur

Hrært og steikt og svo lækkað undir….

 

Þar næst fór eftirfarandi á pönnuna:

1 dós kókosmjólk

1 teningur af kjúklingakrafti

5 matskeiðar af rauðum linsubaunum

sirka 100-150  ml af vatni

Lokið á pönnuna – leyft að malla á vægum hita í sirka 10-15 mín eða þar til baunirnar eru soðnar í gegn.

Kíkt á pönnuna við og við og athugað hvort vanti meira vatn svo ekkert fari að brenna….

Borið fram með hrísgrjónum. Tilbúið. Einfalt og gott.

Kallað “matur” og svo bara….

Verði ykkur að góðu!:)